Мемлекет басшысының Жолдауында көрсетілгендей, біз еліміздің өнеркәсіп әлеуетін толық пайдалану үшін жан-жақты шаралар қабылдауымыз қажет.
Мемлекет басшысының Жолдауында көрсетілгендей, біз еліміздің өнеркәсіп әлеуетін толық пайдалану үшін жан-жақты шаралар қабылдауымыз қажет. Қазір облыста цемент, аккумулятор батареялары, керамика плиткаларын шығару жолға қойылып, құрама жем, күн панельдерінің өндірісі дамуда. Жалпы өңірде 549 өнеркәсіп орны тіркелген, онда 30 мыңнан астам адам жұмыс істейді. Қазіргі уақытта Жетісу облысында газдандыруға жататын 192 елді мекеннің 63-і газдандырылды, соның 30-ы жыл басынан бері газға қол жеткізді. Сөйтіп газдандыру деңгейі 56,5%-ға жетіп, 394,9 мың тұрғын газға қосылуға мүмкіндік алды. Келесі жылы 21 нысанның құрылысы жалғасып, тағы 42 нысанның құрылысы басталады. Мәселен, 2025 жылдың соңына қарай Кербұлақ ауданынан Талдықорғанға дейінгі 126 елді мекеннің барлығы газдандырылады. Соның нәтижесінде газға бес жүз мыңнан астам тұрғын немесе жалпы халықтың 71,4% қол жеткізеді.